Ang “Blackjack” ay isang popular na larong baraha, ito ay kilala rin bilang 21. Ang layunin ng laro ay matalo ang “dealer” sa pamamagitan ng pagkakaroon ng puntos/bilang na 21 o malapit sa 21, ngunit hindi lalagpas sa 21. Ang mga barahang may bilang na (2-10) ay may katumbas na bilang/puntos ng nakasulat sa baraha, Ang mga taong baraha (Jack, Queen, King) ay may katumbas na 10 bilang/puntos, at ang Alas(Aces) ay maaring may katumbas na 1 o 11 na bilang/puntos, ito ay naka depende kung saan magkakaron ng benepisyo ang bilang ng baraha.

Narito ang mga uri ng taya at mga aksyon na maaring gawin ng manlalaro sa “:Blackjack”

Basic Bet(Initial Bet): Ang manlalaro ay dapat magtaya muna ng “initial bet” o paunang taya bago masimulan ang pagbibigay ng baraha.

Hit: Ang mga manlalaro ay maaring mag “Hit” o humingi ng karagdagang baraha para pataasin ang kanilang puntos/bilang. Maari silang magpatuloy sa pag hingi ng baraha hanggang sa gusto na nilang tumigil o di kaya hihinto kapag ang kanilang puntos/bilang ay lumampas ng 21.(Busts)

Stand: Maaring mag desisyon ang manlalaro na tumigil sa paghingi ng baraha o hindi humingi ng karagdagang baraha.

Double Down: Ang mga manlalaro ay maaring doblehin ang kanilang paunang taya pagkatapos matanggap ang kanilang unang dalawang baraha, kapalit nito agad na makakatanggap ang kamay ng isang baraha lamang.

Split: Kung ang manlalaro ay nabigyan ng unang dalawang baraha na may parehas na bilang/puntos, maaring piliin ng manlalaro na mag “split” o hatiin ang nakuhang baraha para maging magkaibang kamay at magkaron ng sariling taya ang mga ito.

Insurance: Kung ang unang baraha ng dealer ay Alas(Aces), ang manlalaro ay maaring magtaya sa “Insurance”, ito ay mababayaran kung ang dealer ay makakakuha ng “blackjack” sa ikalawang baraha nito.

Surrender: Maaring isuko ng manlalaro ang kanilang baraha o kamay kung sa tingin nila ay malaki ang posibilidad na matalo sila. Kalahati lamang ng paunang taya ang kukunin sa kanila kapag sinuko nila ang kanilang baraha o kamay.

Even Money: Kung ang manlalaro ay nakakuha ng “blackjack” at ang unang baraha ng dealer ay alas(aces), ang manlalaro ay maaring piliin ang katumbas na bayad (1:1), sa halip na makipag sapalaran sa posibilidad na makakuha ang dealer ng “blackjack” at maging tabla.

Ang mga palatuntunan, at mga taya ay nag-iiba, ito ay naka base sa iba’t ibang klase ng “blackjack” at palatuntunan ng casino.